Удмуртъёслэн огазеяськонзылэн котырес лыдпусэзлы сӥзем ужрад ортчиз

 20-тӥ ноябре Татышлы ёросын солы сӥзем бадӟым ужрад ортчоз. Нош солэсь азьвыл огазеяськонлэсь котырес лыдпуссэ ёросъёсын – БР-ысь удмуртъёслэн НКЦ-зылэн филиалъёсаз – пусъёзы. Нырысетӥез пумиськон туннэ, 10-тӥ октябре, Илиш ёросысь Ташкичиын ортчиз. Со Республикалэн нуналэзлы сӥзем концертэн огазеямын вал. Отчы ёросысь кырӟась-эктӥсьёс сяна, Татышлы ёросысь Калмиярысь «Инвожо» ансамбль но пыриськиз. Нош национально-культурной центрлэн кылдон но азинскон сюресэныз огазеяськонэн кивалтӥсь Э. Б. Рахимзянов тодматӥз. Пумиськонын «Ошмес» газетлы гожтӥськон сярысь но вераськимы, уго татын арысь аре лыдӟисьёсмылэн лыдзы кулэсме.

Пумиськон сярысь пыр-почгес лыдӟыны быгатоды газетмылэн вуоно номеръёсысьтыз.