Бадӟым Качакысь пиналъёс удмуртъёслэсь лулчеберетсэс возьматӥзы

Фестивалез покчиосты республикаямы улӥсь пӧртэм калыкъёслэн лулчеберетэнызы, сям-йылолъёсынызы но кылынызы тодматон вылысь радъязы. Угось Калтасы ёросын, быдэс республикаямы сямен ик, башкиръёс но бигеръёс, ӟучъёс,поръёс но удмуртъёс эшъяськыса уло. Шумпотоно, фестивальын удмурт калыклэн но лулчеберетэз яркыт шӧдӥськиз шуыса. Отын Бадӟым Качакысь нылпи садэ ветлӥсь пиналъёслэн но соослэн воспитательзылэн Оксана Ильтимировна Камалитдиновалэн люкетсы бадӟым луиз. Соос ваньзы ӵошен фестивале зол дасяськизы. Соос пиналъёсты, анай-атайёсты удмуртъёслэн кырӟанъёсынызы, шудонъёсынызы тодматӥзы, собере тапыр-тапыр эктӥзы. Соослэсь тыршемзэс вылӥ дунъязы: пиналъёс фестивальысь нырысетӥ интыен бертӥзы.