Пиосмурт 2,5 миллион манетсэ ыштӥз

Коньдонзэ ыштэмез бере полицие 65 аресъем пиосмурт вазиськиз. Солэн верамезъя, мессенджер пыр солы азьвыл ӵош ужам эшез гожтэм. Со ивортэм, ФСБ-ысь жингыртозы но вотэсын кышкытлыклэсь утиськон сярысь вералозы шуыса. Бӧрысьгес «ФСБ-ын ужась» воргоронлы ивортӥз, солэн нимыныз, пе, терроризмлы юрттон понна коньдон выжтэмын. Йыртэмамез понна сое кыл кутытозы.

Собере вераськонэ «Центробанкын ужась» итӥськиз. Со пиосмуртэ уголовной кылкутонлэсь мозмытыны быгатоз шуыса вераз. Зэм, со понна солы курьер пыр 2,5 миллион манет коньдон, пе, келяно.

«Бӧрысьгес шуге-леке шедем пиосмурт банке мыныса вань юанъёсызлы валэктон шедьтыны малпаз. Озьы со тодӥз, пӧяськисьёс ки улэ шедиз шуыса. Солы полицие вазиськыны ӵектӥзы», — пусъемын Башкиртостанысь МВД-лэн ивортоназ.