+15 °С
Ясно
Общество
24 Сентября , 15:48
Дышетӥсьёс калыккуспо конференцие пыриськизы
22-23-тӥ сентябре Удмурт Элькунын «Родные языки: единство, развитие и преемственность поколений» калыккуспо научно-практической конференция ортчиз.
Дышетӥсьёс калыккуспо конференцие пыриськизы
Со йӧскалык дышетонъя институтлы 30 ар тырмонлы но Россиысь калыкъёслэн огъя луон арзылы сӥземын вал.Ужрадэ Удмурт Элькунысь анай кылъя дышетӥсьёс, визьнодасьёс, тодосчиос, дышетон удысысь ветеранъёс люкаськизы. Со сяна, отчы Татарстанысь, Марий Элысь, Коми Элькунысь куноос вуизы.Конференцие шумпотыса пыриськизы Татышлы ёросысь дышетӥсьёс но. Отын анай кылъёсты дышетонэн герӟаськем ужпумъёс, туала технологиос, кылъёсты утёнъя но азинтонъя политика сярысь докладъёс лыдӟизы.
23-тӥ сентябре конференция улсын Ижкарын, Дэри ёросысь Лудорвай гуртын, Глазовын секциос ужзэс мытӥзы.Татышлыос Лудорвайын ужазы.
