Дано юбилееныд ӟечкыласьком!

24-тӥ куарусёнэ атаймы, варматаймы, ӵужатаймы дано юбилейзэ – 90 арес тырмонзэ – пусъе. Арлыдыз бадӟым ке но, со котькуд выль нуналэз шумпотыса пумита.
Леонид Шарафисламович вань улонзэ вордскем гуртэз­лы сӥзиз. Со Улысь Балтач школаысь сизьым классэз йыл­пумъяз. 1955-1958-тӥ аръёсы Узбекистанын служить кариз. Дор палъёсаз берытскыса, «Социализм» колхозэ ужаны по­тӥз. Гурт удыс сое зол кужымен бордаз кыскиз. Куинь толэзь Янаулын трак­тористлы дышетскыса бертэмез бере, 1965-тӥ арысен кутскыса, пенсие потытозяз «Социализ­мын», бӧрысь «Рассвет» АО-ын тыршиз. Атаймы, варматаймы но ӵужатаймы – ужысь ветеран. Солэн ужез «За доблестный труд в ознаменовании 100-ле­тия со дня рождения В.И. Ленина» юбилейной меда­лен пусъемын. Нош 1973-тӥ, 1975-тӥ но 1978-тӥ аръёсы солы БАССР-ысь министръёслэн кенешсы­лэн но Профсоюзъёслэн областной кенешсылэн постановлениезъя «Побе­дитель социалистического соревнования» Почётной знак сётэмын. 1974-тӥ но 1980-тӥ аръёсы Л. Сафиуллин «Ударник коммунистического труда» нимлы кузё луиз.
Леонид Шарафисламович уж дураз но сюлмысь тыршиз, семьяезлы но дырзэ тырмыт висъяз. Со анаенымы, варманаенымы но ӵужаенымы ӵош вить ныл будэтӥз. Табере котькуд нуналзэ ми сярысь сярысь сюлмаськыса, ми понна шумпотыса ортчытэ.
Атай, ӵужатай, варматай, тонэ юбилееныд ӟырдыт ӟечкыласьком но яратэммес, мур гажаммес вераськом. Та вунонтэм нуналад дуннелэсь чеберзэ кузьмаськом но мар гинэ вань ӟечез, ваньзэ-ваньзэ тыныд сӥзиськом. Сюлмад люкам ӟечлыкъёсыд ӟечен ик мед бырытскозы, вордӥськоно нуналъёс тыныд вормонтэм шудбур, трос шумпотонъёс мед ваёзы.
Тонэ яратыса но гажаса нылъёсыд, эмеспиосыд, внукъёсыд, внучкаосыд, правнукъёсыд но туганъёсыд.