Сандугачын "Эшъяськон эстафета" ужрад радъязы

Сандугач гуртын, кудӥз пыриське «Сазь гурт — 2026» республика конкурслэн муниципал этапаз, кырын спортлы но тазалыкез юнматонлы сӥзем «Эшъяськон эстафета» праздник радъяськиз. Отчы Барабановка но Сандугач гуртысь улӥсьёс пыриськизы, соос кык командалы люкиськизы.

Ужрадэ пыриськисьёс бызьылонын, тэтчанын, тупъёсын, кегляосын эстафетаын асьсэлэсь быгатонлыкъёссэс, мугор кужымзэс, ӝог решение кутыны быгатэмзэс возьматӥзы. Праздник туж тунсыко но шулдыр пӧрмиз, ваньзылы ӟеч мылкыд но шумпотон ваиз.

Спорт площадкаын «Сазь пост» ужаз, таза улон сярысь ивортодэт буклетъёс, книгаос но листовкаос сётъязы. Ужрад чай юонэн но гуртъёсысь коллективъёсын дасям концерт программаен йылпумъяськиз.

Фото: https://yanzori.com/news/localnews/2026-09-14/sostyazaniya-post-trezvosti-kontsert-i-chaepitie-4811822