Баскетбол командаосын шудӥсьёсын пумиськылӥзы

«Физкультурно-спортивное общество «Динамо» Республики Башкортостан»  мерлыко огазеяськонэн кивалтӥсь генерал-лейтенант И. В. Кочнев пусйиз: Динамо» клуб кылдэм бере Уфае бадӟым баскетбол вуиз. Табере татын улӥсьёслы но, куноослы но шаерысьтымы усто баскетболистъёсты учкыны, Россилэн чемпионатаз соослэн командазы понна «висьыны» луонлык кылдэ».

Россиысь Башкортостан Республикая УФСБ-ен кивалтӥсь генерал-майор Р. П. Плотников спортсменъёслы ӟеч мылкыд, сӧсырмытэк нюръяськыны сӥзиз.  «Котькуд шудон чебер мед ортчоз. Тӥляд вормонды учкисьёслы вордскем интыенызы данъяськон мед пычатоз», - шуиз со.

Пумиськонын спортсменъёс  асьсэлэн вормонъёссы сярысь веразы. «Динамо» баскетбол Вылӥ лигаысен клуб кык ар куспын Суперлигаысь кужмо командаос пӧлы шедиз. Со Башкортостанын баскетбол ӟеч азинске шуыса возьматӥз.  

Клуб 2024-тӥ арын кылдытэмын вал.  Нырысетӥ араз ик со Вылӥ лигаын зарни басьтӥз. Нош кылем арын уфаос Суперлигаын кужымзэс возьматӥзы, чемпионатын ньылетӥ интыын луизы, плей-офын тямыс кужмо командаос пӧлы шедизы. Та вакытэ ик выль кылдытэм «Динамо-2» команда Вылӥ лигаын бронза медаль басьтӥз. Максим Войтов но Владимир Фоменко чемпионатлэн вить усто шудӥсьёсыз пӧлы шедизы. Вуоно сезонын ВТБ-лэн егитъёслэн лигаязы клубез «Динамо-М» команда возьматоз, пиналъёслэн баскетбол лигаязы – «Динамо-юниор» команда. Озьыен, татын ваньмыз тубатын выллем возиське.

Баскетболэн эшъяськисьёсты берло выль сезонысь шудонъёсы ӧтизы. Со Уфаысь «Динамо» спортивной комплексын нырысетӥ коньывуонэ кутскоз.

Туспуктэмъёс: Россиысь Башкортостан Республикая УФСБ-лэн пресс-службаез.