Сюлмаз - бурмисьтэм яра

Улон адямиез пӧртэм сямен эскере. Куддыр туж секыт минутъёс луо: лэсьтэм вамышъёс но соку юнме шорысь кадь пото, улонлэн буёлэз но бездэ. Витьымтэ шорысь вуэм кышкыт ивор лулэз позыртэ, сюлэме яра кылдытэ. «Нылпиоссэс ыштэмъёслэн со яразы ноку уг бурмы», - шуэ куинь нылпиослэн анайзы, Татышлы ёросысь Улысь Балтач гуртысь Аниса Гарифанова.

2025-тӥ арысь 16-тӥ куарусён. Та нунал Аниса Асхадулловна понна календарьысь «сьӧд» лыдпуслы пӧрмиз. Соку солэн бадӟымез пиез, Андрей, нимысьтыз военной операциын бырыны шедиз. «Пие кылем арын куатетӥ сентябре связе потӥз вал. Куать нуналскын сое тушмон пуля быдтӥз», - синвуоссэ ватыны быгатытэк вера А. Гарифанова.
Андрей Гарифанов 2023-тӥ арысь 28-тӥ коньывуонысен нимысьтыз военной операцие пыриськиз. Пиезлэсь ожмаськонэ мыныны малпамзэ тодыса, Аниса апайлэн сюлэмыз огдырлы шуккемысь дугдӥз кадь. Уго со вордэм пизэ ож лудысь возьман пыр огпол потэм вал ини. Андрейлэн служба аръёсыз Чечняын ортчизы. Отысь со сӧсырмыса бертӥз. Ож лудын адӟем секытлыкъёсыз Андрей Лаврентиевичез ӧз куасалтэ, эшшо но кужмогес каризы. Нимысьтыз военной операция кутскем бере, со ӵем тодаз вайылӥз ӵош служить карем эшъёссэ, соосын кусыпсэ юнматӥз. Тодӥз, куд-огъёсыз нимысьтыз военной операцие пырисько шуыса. Соку ик, лэся, солэн выльысь шаерез утисьёслэн радазы султон сярысь малпанэз кылдэм.

(Быдэс материалэз газетлэн 37-тӥ номерысьтыз лыдӟыны быгатоды).

Автор:Миляуша Булатова

Читайте нас

Партнеры