Башкортостанысь удмуртъёслэн НКЦ-енызы кивалтӥсь быръёнъёсын куаразэ сётӥз

 Та дыр ӵоже со быдэс республикаысь удмуртъёсты огинэ люканы быгатӥз. Солэсь ужзэ республикамылэн кивалтэтэз но шӧдэ. Национально-культурной центрен таиз арысен Эдуард Рахимзянов кивалтэ. Со – Татышлы ёросысь Улысь Балтач гурт поселениен кивалтӥсь. Эдуард Бурханович быръёнъёсын Башкортостанысь удмурт калыклэн азинсконэз, шаерысьтымы калыклэн тупаса улонэз понна куаразэ сётӥз. Быръёнэ со семьяеныз ӵош вуиз.  

«Шумпотӥсько, быръёнэ кема аръёс ӵоже пӧртэм удысын тыршем арлыдоос но, бадӟым улонэ нырысетӥ вамышсэс лэсьтӥсь егитъёс но пырисько шуыса, - вера Эдуард Бурханович. – Соос тодо: асьмелэн вуономы – асьме киын. Туннэ котькуд калыклэн азинскыны луонлыкез вань. Удмуртъёс но кылзэс, лулчеберетсэс, выжыоссэс утьыны тыршо. Озьыен, асьмеос азьлане сайкыт малпанъёсын учкыны быгатӥськом».