Гуртлэн вуоноез сярысь малпаса лэсьтэм уж

«Трезвое село» республика конкурслэн берлось финалаз кык удмурт гурт пумиськиз: Татышлы ёросысь Бальзюга но Янаул ёросысь Вуж Вараш.

Соос кыксы ик пичи гуртъёс пӧлын луизы. Бальзюга вормисьёс пӧлы пыриз. Нош Вуж Варашлы 200 сюрс манет тыр сертификат сётӥзы. Соос висъяськем коньдонэн пайдаен кутӥськыны тыршизы. Нырысь ик мотоблок басьтӥзы. Гуртын уж трос уго, выль техниказы быдэс ар ӵоже соослы бадӟым юрттэт возьматоз. Со сяна,татын калыклэн тазалыкез сярысь но сюлмаськизы. Гуртысь культура юртэ спортивной тренажер басьтӥзы. Соин егитъёс но, арлыдоос но тазалыксэс кыдатыны быгатозы.Бускель гуртъёсын улӥсьёсты но татын шумпотыса возьмало.