Ву гумыос воштӥськозы

 Соин корт трубаос араз олокӧня пол «кышъямез» кулэ каризы. Калык куддыр кезьыт тол куазен но, пӧсь гужем но вутэк кыльылӥз. Соин туэ соос «Программа поддержки местных инициатив» проектэ пыриськыса ву гумыосты тупатыны малпазы. Соослэн кичӧлтонзы республикаын вормисьёс пӧлын луиз. Озьы соос та нуналъёсы бадӟым ужзы борды кутскизы. Со сярысь Калмияр гурт поселенилэн кивалтэтэз вотэс бамъёсаз ивортэ. «Капитальный ремонт системы водопроводных сетей в селе Старокальмиярово» проектэз быдэстон борды «Монтаж инженерных коммуникаций» ООО кутскиз. Татын оско, ужзы сӥзьыл зоръёс кутскемлэсь азьвыл йылпумъяськоз шуыса. Гурт поселенилэн кивалтэтэз Калмиярын но Петропавловкаын улӥсьёслы, «Агро-Танып» СПК-лы юрттэт возьматэмзы понна тау каре.