Телефон пыр пӧяськисьёс выль «ужан» амалъёс малпало

Табере соослэн куриказы ӵем шедё городын улӥсьёс, кинъёс гужем но сӥзьыл квартираосазы шер вуыло – дачаосазы улӥсьёс.

Мошенникъёс кызьы пӧясько?

«Ӧнерчи» жингыртэ но оскытэ, счётчикъёсты эскерыны дыр вуиз, квартираяды шедёно вал шуыса. Кузё али гуртын, дораз лыктыны уг быгаты шуыса тодэмез бере, мошенник соку ик «умой вариант» ӵектэ: онлайн-заявка пыр эскерон.

Вераськон куспын пӧяськисьёс СМС-эн вуэм кодэз юало, озьы кузёлэн личной даннойёсаз «сюрес» усьто. Собере соос счётысь коньдонэн пайдаясько яке кредит басьтыны быгато.