Гужем вуэ ке, бакчазы сяська пӧлы вые

Галина Тимирхановналэн мылкыдыз сяськаос борды биниськем шуыса вань бускельёсыз, матысьёсыз тодо. Ураме ческыт зын вӧлме ке, озьыен, Гараевъёслэн бакчаязы лилияос, флоксъёс сяськаясько. «Гараевъёс городысь гуртэ улыны бертӥзы но, Галина апай укно улысь бакчаяз фиалкаос мерттӥз. Синмаськыса, чеберзылы паймыса учкисько вал со сяськаос шоры. Соку гуртамы сыӵе сяська будэтӥсьёс ӧй вал ай, - вера бускельзы Ирина Шарафутдинова. – Галина апайлэн киыз капчи. Сяськалэсь вайзэ чигыса музъеме туйиз ке, одно ик выжы лэзёз. Гортензиоссэ, розаоссэ со озьы йылэтӥз».

- Кӧня асме тодӥсько, сяськаосты яратӥсько  – котькыӵеоссэ. Сяська чебертэм луоз-а? – шуэ Г. Гараева. – Сяськаостэк улон мӧзмыт. Соос шоры учкиськод но, мылкыд ик капчи луэ.

Кыӵе гинэ сяськаос уг будэто Гараевъёс: циния, хризантема, бархацы, петуния, георгин, астра, гортензия, роза, флокс, лилия, тюльпан, нарцисс, рудбекия, эхинацея, ромашка, эшольция, калибраха, бессмертник, сальвия, бегония… Котькудӥз олокӧня сортэн. Розаоссы, гортензиоссы дас выжылы матэ. Кузё кышномурт ваньзылэсь «сямъёссэс» умой тодэ. Сяськаосты адямиен ӵошатыны луэ, пе.

(Быдэсак лыдӟе газетысь).