Улонын кышкытлыкъёс медаз луэ

Россиын сое 2005-тӥ арысен пусъё. Солэн кылдэмез 2004-тӥ арын Северной Осетия Республикаын луэм кышкыт учырен герӟаськемын.

Соку нырысетӥ куарусёнэ Бесланысь нырысетӥ номеро школаез террористъёс киултӥзы. Тушмон ки улэ сюрслэсь трос адями шедиз. Соос пӧлын тросэз нылпиос луизы. Номырин янгыш луымтэ адямиос куинь сутка ӵоже пытсэтын улӥзы. Тушмонэн киултэм дышетон юртэз мозмытыкузы, тросэз бырыны шедизы. Соос пӧлын 186-ез нылпиос луизы. Нош 783 адями сӧсырмиз.

Туннэ школаосын терроризмен нюръяськонлы сӥзем ужрадъёс ортчизы. Кылсярысь, Ермекей ёросысь Суккулово школаын дышетскисьёс «Журавли памяти» мастер-классэ пыриськизы. Сое директорлэн советникез Светлана Иванова но удмурт кылъя но литературая дышетӥсь Гуля антонова радъязы. Кагазлэсь тури лэсьтыкузы пиналъёс Бесланын луэм учырез тодазы ваизы, кышкытлыкъёслэсьутиськон сярысь вераськизы.

Фото: МОБУ СОШ с. Суккулово МР Ермекеевский район РБ