Пӧяськисьёслэсь косонъёссэс быдэсъяса, кышномурт банке коньдон басьтыны мынӥз

Арлыдо песянаен  пӧяськисьёс мессенджерысен «корка чатэ» итӥськон муг улсын вераськыны кутскизы но СМС-эн вуэм кодзэ талазы. Собере солы «Госуслуги» порталын но Росфинмониторингын «ужась» кариськыса жингыртӥзы, аккаунтсэ тӥямзы сярысь ивортӥзы, коньдонзэ «кышкыттэм счётэ» выжтыны ӵектӥзы.

Пӧяськисьёслэсь косонъёссэс быдэсъяса, кышномурт банке коньдон басьтыны мынӥз. Но банкын ужасьёс умойтэмзэ шӧдӥзы но уксё сётыны пумит луизы. Песянай мошенникъёслы шедемзэ валаз, полицие вазиськиз.

Фото: Ксения Калинина | ИА «Башинформ».