Нылпиос гужемез шулдыр келязы

 Янаул ёросысь Шудекысь пиналъёс гужемез шулдыр келязы. Со сярысь гуртысь модельной библиотекалэн вотэс бамаз гожто. Ужрадэз соос культура юртын ужасьёсын ӵош ортчытӥзы. Татысь пиналъёс ваньзы огазе люкаськыса, кыре потазы. Татын соос понна пӧртэм шудонъёс радъяськизы. Соос пӧлысь кӧняез ке удмуртъёсын но герӟськемын вал. Угось Шудекын та вакытэ "Мы — закамские удмурты!" проект быдэстӥське. Нылпиос гужем каникулъёссы сярысь но шумпотыса мадизы. Нош берло ваньзы ческыт но пӧсь чаен кунояськизы. Табере соос выль дышетскон арлы дась.