Шедиз чорыг бадӟымез но пичиез

Та программа улсын Татышлы ёросысь Вязовкаысь культура юртын ужасьёс нылпиослы трос ужрадъёс ортчытъязы ни. Дышетскон ар кутскемлэсь азьло культорганизатор Фанил Нуриахметов гуртысь пиосты чорыганы вазиз. Котькуд пияш шур дуре шумпотыса вуиз. Куазен но соослы удалтӥз. Чорыгасьёслы капчи мылкыд кузьмаса, инмын шунды яркыт пиштӥз.

Шур дурын пиосты «Юный рыбак» конкурс витиз: одӥг час куспын кин тросгес чорыг кутоз. Со дыр куспын пиос асьсэлэн чорыган амалъёсынызы люкиськизы, чорыгъёс но поттаны вутсизы. Тужгес трос чорыгез луиз Матвей Мардановлэн. Со вормисе потӥз.

Пиослэн пичи экскурсизы таин ӧз йылпумъяськы. Соосты пыштурынэн ческыт чай витиз. Чорыгасьёс тылскем котыре люкаськизы, эгыр вылын сосискаос но картофка пыжизы на. Ужрадэз дасясь соосты пичи кузьымъёсын шумпоттӥз. Пиослэн дырзы пайдаё но шулдыр ортчиз. Кожалод, котькин, кузьым сяна, та нуналлэсь пичи люкетсэ сьӧраз басьтӥз. Аръёс ортчыса, пиос ӵош чорыгам дырзэс уз вунэтэ, шунытэн тодазы ваёзы.

Фото: СДК с.Вязовка