Бурайын «В единстве – сила!» форум ортчиз

Со Калыкъёслэн огъя луон арзылы сӥземын вал. Ужрадын пӧртэм калыкъёс пӧлын кылдэм эшъяськонэз азинтон сярысь вераськизы, валче ужан ужпумъёсты эскеризы.

Ужрадэз усьтыса вераськиз «Конгресс татар Республики Башкортостан» огазеяськонлэн Бурай ёросысь ёзэтэныз кивалтӥсь Ирина Исмагилова. Со Бурай ёросын пӧртэм калыкъёслэсь тупаса улэмзэс пусйиз. Ёросын калык сям-йылолъёсты, калык лулчеберетэз утёнлы бадӟым саклык висъяське шуыса вераз. Башкортостанысь удмуртъёслэн НКЦ-зылэн Бурай ёросысь филиалэныз кивалтӥсьлэн Лилия Атнафиковалэн докладэз удмурт огазеяськонлэн ужезлы сӥземын вал.

Ужрадлэн пленарной люкетэз кышкытлыкъёслэсь утиськонлы, нимысьтыз военной операцие пыриськисьёслы но соослэн матысьёсслы юрттэт возьматонлы сӥземын вал. Форумын Башкортостанысь Калыкъёслэн ассамблеязы, «Защитники Отечества» фондлэн республикаысь ёзэтэз, регионысь общественной огазеяськонъёс валче ужан сярысь огкыл кутӥзы. Бадӟым ужрад возьматӥз: ӵошен кариськыса бадӟымесь ужпумъёсты капчиен быдэстыны луэ.

Фото: Газета «АЛГА» Бураевский район