+20 °С
Облачно
Общество
25 Августа , 06:00
Гурт улонэз мукетызлы ӧз воштэ
Бурай ёросысь Алтау гуртын улӥсьёс уж борды дэмен басьтӥськыны быгатэменызы висъясько. Котькыӵе ужрад мед луоз, жуг-жаг октонъя субботник-а, тазалыко улонэн эшъяськонлы сӥзем ӵошатскон-конкурсэ дасяськоно-а, йылол праздник ортчытоно-а – нокин палэнэ уг кыльы. Калыкез огазеяны быгатэ гуртысь староста. Алтауын та уж Айвар Ялалов вылын.
Гурт улонэз мукетызлы ӧз воштэ
Дуся но Айвар Ялаловъёсты гуртазы ортчись ужрадъёсысь гинэ ӧвӧл, ёрос, республика ужрадъёсысь но пумитаны луэ. 11 ар талэсь азьло кузпалъёс шуныт бурд улазы нылпи юртысь куинь пинал басьтӥзы. Ӵошен соос трос ужрадъёсы вуылӥзы ни, вормисьёс пӧлын луизы.
Та дыре Эвелина но Аделина – студентъёс, нош Руслан 8-тӥ классын дышетске. Нылпиоссы сярысь веракузы, кузпалъёслэн синъёсазы яркыт тылгизьы ӝуатске, шуыны луоз. Нылпиосынызы соос данъясько. «Эвелинамы Нефтекамскын МЧС ӧрын ужасьлы дышетскиз, дышетсконзэ горд дипломен йылпумъяз. Тодон-валанзэ будэтыны малпаз – УУНиТ-лэн Бирскысь филиалаз дышетскыны пыриз. Аделинамы Нефтекамскын повар-кондитерлы дышетске», - вера Дуся Байкузиевна.
- Пимы Бурайысь школае ветлэ, – ватса Айвар Шарифгалиевич. - Жаляса верано, гуртын нылпиос ӧжыт.
(Быдэсак лыдӟе газетлэн 34-тӥ номерысьтыз).
