Башкортостанысь дышетӥсьёслэн валтӥсь кенешонзы ортчиз

21-тӥ августэ Ишимбайын республикаысь дышетӥсьёслэн кенешонзылэн пленарной люкетэз ортчиз. Отчы Башкортостанлэн тӧроез Радий Хабиров но пыриськиз.

Радий Фаритович кенешонын дышетон удысысь валтӥсь ужпумъёс сярысь вераз. Соос выль дышетон юртъёс ӝутонэн, огъя кун экзамен сётонэн, нылпиослы ӟеч тодон-валан сётонэн но та удыслэн вуоноеныз герӟаськемын вал. Ужрадэз йылпумъяса, со дышетон удысысь устооссэ ужасьёсты данъяз. Соос пӧлын луиз Янаул ёросысь Вуж Вараш школаысь ӟуч кылъя но литературая дышетӥсь Алевтина Анатолиевна Фаткуллина. Солы "Башкортостан Республикаысь сӥё-дано дышетӥсь" ним сётӥзы. Алевтина Анатолиевна кема аръёс ӵоже Вуж Варашысь пиналъёслы анай кылзыя тодон-валан сётӥз.

Туспуктэм: БР-лэн тӧроезлэн пресс-службаез