+27 °С
Облачно
Общество
20 Августа , 04:47
Ӟуч калыклэн лулчеберетэз сярысь вераськизы
Татышлы ёросысь Калмиярысь культура юртын но библиотекаын Россиысь калыкъёслэн огъя луон аразы удмуртъёслэн лулчеберетсылы, сям-йылолъёссылы сӥзем ужрадъёсын ӵош, башкиръёслэсь, поръёслэсь но мукет калыкъёслэсь ортчытыны тыршо.
Ӟуч калыклэн лулчеберетэз сярысь вераськизы
Черодысь ужрадзы ӟучъёслы сӥземын вал. «Соловушки» ансамбле ветлӥсь нылкышноосты «Башкирское долголетие» программа улсын «А у нас Яблочный спас» шутэтскон программа огазеяз. Туэ гуртысь тросэзлэн яблоксы удалтӥз. Соин нылкышноос солэсь ческыт пыжиськемъёс, компот, варення но мукетсэ дасяло. Культура юртэ но соос буш киын ӧз вуэ, яблоклэсь лэсьтэм сиён-юонъёссэс вуттӥзы. Собере ог-огенызы ческыт рецептъёсынызы воштӥськизы, пӧртэм конкурсъёсы пыриськизы. Берло ваньзы ӵошен пуксьыса ческыт чай юизы.
