Башкортостанын калыкез телефон пыр пӧясез шараязы

Башкортостан Республикая МВД-лэн ивортэмезъя, министерстволэн нимысьтыз технической бюрояз но ФСБ-лэн регионысь управленияз ужасьёслэн сюлмаськеменызы одӥгез йыртэмась кутэмын. Со – Пермь шаерысь 19 аресъем пи.

Егит пилэн калыкез пӧяны нимысьтыз уж тӥрлыкъёсыз луиллям. Со сяна, солэсь 450-лы матэ сим-картазэ шедьтӥзы. Озьы пӧяськисьёс адямилы банкын яке мукет интыосын ужасьёслэн нимынызы жингыртыны быгатӥзы. Со сяна, тулыспал толэзе егит пи вотэс бам пыр муртлэн нимыныз виртуальной карта басьтӥз. Со йыртэмасьёслы урод ужъёссэс ватыны юрттылӥз.  

Та вакытэ егит пи пытсэт сьӧры интыямын, со йыртэмамез сярысь ваньзэ вераз. Солы пумит уголовной уж усьтэмын. Соин ӵош йыртэмасьёсты утчанэн герӟаськем ужъёс азинтӥсько.

Туспуктэм:БР-я МВД-лэн видеоысьтыз одӥг люкетэз.