Янаул ёросын "Сандугач-Рабак" сюресэз лэсьто

Бадӟым уж «Инфраструктура для жизни» нацпроект улсын быдэстӥське. Ужасьёс нырысь сюреслэсь профильзэ эскеризы, бӧрысь щебень кисьтон уж борды басьтӥськизы. Сюреслэн лэсьтоно люкетэз 8 иськемлы ӵоша.

- «Сандугач-Рабак» сюрес Башкортостанэз Пермь шаерен герӟа. Солэн кузьдалаез укмыс иськем гинэ ке но, татысь гуртъёсын улӥсьёс понна со туж кулэ. Та сюрестӥ соос «Янаул-Вуж Курдым» региональной сюресэ пото, Янаулэ мыно, Пермь шаере вуо. Гравийлэсь лэсьтэм сюрес тулыс тудвуэн, сӥзьыл но гужем кужмо зоръёсын сэрен быремын. Отӥ машинаен ортчоно кадь ӧвӧл ни вал, - вера БР-ысь транспортъя но сюрес хозяйствоя министр Любовь Минакова.

Сюресэз лэсьтон ужъёсты 2026-тӥ ар пумозь йылпумъяны чакламын.

Фото: пресс-служба | минтранс Башкирии