Башкортостанысь нылпиос «Шундыкарын» шутэтскозы

Башкортостанысь «Усточикар» смена йылпумъяськиз. Табере дыр вуиз «Шундыкар» лагерьлы усьтӥськыны. Отчы Башкортостанысь нылпиос но арлы быдэ шумпотыса пырисько.

Туэ но соос ужъёссэс конкурсэ бадӟым осконэн ыстӥзы. Та нуналъёсы «Шундыкар» лагере шутэтскыны мыноно 100 нылпиослэн нимъёссы тодмо луизы. Шудо пиналъёс пӧлы Башкортостанысь ньыль нылъёс шедизы. Блогинг ӧрын тыршозы Татышлы ёросысь Вылысь Татышлыысь Аделия Нигаматуллина, Выль Татышлыысь Мария Шарифянова, «Театр» ӧрын – Вылысь Татышлыысь Альвина Юминская но Янаул ёросысь Каймашабашысь Дарина Петрова. Со сяна, «Шундыкарын» Калтасы ёросысь шаплы удмурт егит пи Данила Ахметшин ужалоз. Со вожатой луоз.

Туспуктэм редакцилэн архивысьтыз.

Автор:Оля Нигаматуллина

Читайте нас

Партнеры