Водительёслы сак луоно: сюрес вылэ пото пӧйшуръёс

Туннэ уйин, 12-тӥ гудырикошконэ, Дюртюли ёросын машина улэ койык шедиз: Дюртюли-Нефтекамск трассалэн 18-тӥ иськемаз. «ДТП-ын пӧйшур бырыны шедиз, машинаын пукисьёслэн тазалыксы пумысен кышкытлык кылдымтэ, - иворто БР-ысь Экологияя но инкуазь ваньбурен пайдаяськонъя министерствоын. – Инкуазьлы 80 манет тыр изъян ваемын. Водительёслы сюрес вылын сак луоно, уката ик акшан, пеймыт вакытын. Нюлэсо интыостӥ ортчыку машинаен калленгес мыноно, ӝоглыкез кулэсмытоно. Пӧйшуръёс сюрес вылэ витьымтэ шорысь пото».

Таиз арын Башкортостанын машина улэ сюлэсь ятыр пӧйшур шедем. Соос пӧлын – 58 койык, 37 косуля, 3 кабан, ӟичыос, лудкечъёс.

Фото: ИИ