Выль Татышлыын усточикаръёс кырӟазы но эктӥзы

Азьвыл аръёсын ӵошатыса, лагерьын шутэтскись нылпиослэн лыдзы трослы ӧжыт ке но, концертсы синмаськымон чебер пӧрмиз. Нырысь ик сцена вылын яркыт адӟиськизы «Эстрада» ӧре ветлӥсь пиналъёс. Та нуналлы соос трос чебересь кырӟанъёс дасяллям. Военно-патриотической ӧре ветлӥсь нылпиос но концертэ зол дасяськиллям, учкисьёсты соос аспӧртэм номеренызы паймытӥзы. Горд сюен ужасьёслы, суредаськисьёслы но та нуналэ тросэз паймизы. Соос вакчи дыр куспын трос чебересь ужъёс пӧрмытӥллям. Концертын ӧнерчиослэн, вожатойёслэн но котьмалы усто луэмзы шӧдӥськиз. Кырӟанъёссы но, эктонъёссы но шумпотымон пӧрмизы.