Максим гуртысь урамез лэсьтӥзы

Азьло зор-кот дыръя дэриез колано луылӥз ке, табере со сярысь малпан ик ӧвӧл ни. Ульчаостӥ  котькыӵе куазен машинаен но капчиен ортчыны луэ. Угось ёросысь, гурт поселениосысь кивалтэт гуртысь ульчаосты тупатонлы трос саклык висъя.

Янаул ёросысь Максим гуртысь Ф. Файзуллин нимо урамын улӥсьёс но сюрессэс тупатон пумысен интыысь кивалтэтлы вазиськылӥзы. Туэ соослэн куронзы улонэ пыӵаз – урамзэс лэсьтӥзы.  «Ульчаосты лэсьтыку кӧня ке ар ини «Рельеф» ООО подрядчикен ужаськом. Туэ Ф. Файзуллин нимо ураме щебень вӧлдӥм. Та дыре уж йылпумъямын. Сюрес тупатӥсьёслы тау кылъёсмес вераськом», - гожто Максим гурт поселенилэн ВК-ысь группаяз.

Фото: Максимовский сельсовет МР Янаульский район РБ