Вожатойёс лагерь улонэз тунсыко каро

 Нылпиослэсь шутэтскон дырзэс тунсыко но пайдаен ортчытон сярысь  Янаул ёросысь Рузанна Мугалимова но Татышлы ёросысь Ангелина Зидымаковаен Аделина Шайхлисламова сюлмасько. Нылъёслэн шутэтскыны дырзы ӧвӧл: соос вазь ӵукна ик пӧртэм ужрадъёс ортчытон сярысь малпаськыны кутско. Та ласянь ужзы капчи ӧвӧл, угось «Усточикарын» котькуд ужрадлы удмурт шӧм пыӵатыны  тыршоно. Озьыен, калык культураез, сям-йылолъёсты ӟеч тодоно. Со тужгес шӧдӥське «Выль кенак пыртон», «Сюан» но мукет со выллем йылолъёсмес возьматыкузы.

• 10-тӥ гудырикошконэ Выль Татышлыысь удмуртъёслэн лулчеберетъя центразы усточикаръёслэн концертсы ортчоз. Со ӝытазе тямыс часын кутскоз.