Нылпи дунне бордаз кыскиз

Татышлы ёросысь Уразгильды гуртысь Артём Байситов школаын дышетскыкуз ик тодэм, дышетӥсьлэсь ужзэ быръёз шуыса. Укмыс классэ гуртаз йылпумъяса, со 10-11-тӥ классъёсын Выль Татышлыысь школаын тодон-валан басьтэм. Бӧрысь психологлы дышетскыны пырем – УУНиТ-лэн Бирскысь филиалаз.

Кык ар ини Артём Ринатович Вылысь Татышлыысь Гали Сокорой нимо гимназиын дышетэ, психолог луыса уг ужа, физкультурая урокъёсты нуэ. «Диплом басьтэме бере уж утчаны кутски, гимназие вазизы. Отын физкультураен дышетӥсьсы ӧй вал. Ватсаса тодон-валан басьтыса, физкультурая урокъёсты нуыны кутски, - вера егит дышетӥсь. – Малы соглаш луи шуоды? Малы ке шуоно физкультурая урокъёс школаын мыным капчиен сётскизы». Артём Ринатович спортлэн котькуд видаз умой лыдпусъёс возьматъям, али но ваньзэ пичиен пӧрмытэ. Школаын дышетскыкуз солы ӝӧквыл теннис тужгес капчиен сётӥськем. Ӵошатсконъёсы пыриськыса, медальёс но басьтылэм.

Артём Ринатович 5-11-тӥ классъёсын физкультураез нуэ. Егит дышетӥсь нылпиосын но, коллегаосыныз но капчиен огкыл шедьтэм. Со ДЮСШ-ын волейболъя кружок но нуэ. «Кык группаен ужасько: 5-7-тӥ классъёс но 8-11-тӥ классъёс. Вылысь Татышлыысь М. Бадретдинов нимо лицейын дышетскисьёс но тренировкаосы ветло», - вера А. Байситов.

(Быдэсак лыдӟе газетысь).