Россиысь калыкъёслэн юртазы туспуктэмъёсын адӟытон усьтӥськоз

 «Истоки национальной красоты» проектлэн авторез Ляйсан Невметулина кӧня ке ар ӵоже ни пӧртэм калыкъёслэн сям-йылолъёсынызы, историенызы, дӥськутэнызы тодматске. Собере соосты туспуктэмъёс пыр возьматэ.

Туннэ проект Россиысь но солэн палэнысьтыз 21 пӧртэм калыкез огазея. Отчы удмурт ныл но пыремын. Со – Татышлы ёросысь Калмиярысь Ольга Ахметзянова.

Со сяна, адӟытонын «Истоки национальной красоты» книгалэн презентациез ортчоз. Отчы проект улсын лэсьтэм туспуктэмъёс но этнографической очеркъёс пыртэмын. Книга Россиысь калыкъёслэн огъя луон арзылы сӥземын.

Адӟытон 10-тӥ гудырикошконэ усьтӥськоз.