Удмурт нылпиос понна «Усточикар» лагерь ӧсъёссэ усьтӥз

 Лагерь 21 нунал кыстӥськоз. Та дыр ӵоже нылпиос кырӟаны, эктыны, горд сюйен ужаны, суредаськыны дышетскозы, тазалыксэс кыдатозы. Нылпиосын ньыль пӧртэм ӧръя ужалозы: БР-ысь культура удысысь сӥё-дано ужась Ирина Шайхлисламова, УдГУ-ын дышетскись Есения Миннегалиева, дышетӥсь Артём Байситов, горд сюйен ужась Елена Ахиярова. Нылпиослэсь шутэтскон дырзэс пайдаё ортчытон сярысь сюлмаськозы шаплы вожатойёс Ангелина Зидымакова,  Аделина Шайхлисламова но Рузанна Мугалимова. Нош пиналъёслэн тазалыксы фельдшерлы Влас Шартдиновлы оскемын. Лагере республикаысьтымы Бурай, Калтасы, Татышлы но Янаул ёросъёсысь, Пермь шаерысь Куеда ёросысь пиналъёс вуизы.