Сюлэмзылы удмурт кыл матын

- Удмурт кылэз яратӥськом, сюлэммылы со туж матын, - верало кузпалъёс. – Куд-ог дыръя газетэз талашыса лыдӟиськом.
Фаназия Шарифьяновналы газет бамъёсысь мӧйы адямиос сярысь лыдӟыны, пе, кельше. Отысь тодмооссэ но шедьтэ. Уго Фаназия апай Татышлы ёросысь Выль Татышлыын вордскыса будэмын. Шудзэ со бускель гуртысьтыз - Вязовкаысь – шедьтӥз: Миннихан Гайнаншиновичен улонзэ герӟаз. Кузпалъёс чебер семья кылдытыса ӵошен 55 ар уло ни. «Кузпалъяськеммы бере вить ар Узбекистанын улӥм, собере – Чернушкаын. Нош 1978-тӥ арысен Гожанын улӥськом, - вера Фаназия Шарифьяновна. – Нылпиосмы но татын будӥзы, татын удмурт кыллы дышизы. Ньыль нылпиосмы пӧлысь кыкез улэп ӧвӧл ни. Кык пиосмылэн улонзы вазь чигиз. Нош Гелена нылмы семьяеныз Янаул ёросысь Сандугач гуртын улэ. Со школаын пиналъёслы тодон-валан сётэ. Игорь пимы кузпалъяськыса, Куедае улыны интыяськиз. Со полициын тырше».  

(Быдэс материалэз газетлэн 29-тӥ номерысьтыз лыдӟыны быгатоды).