Пичи дырысь малпанэз улонэ пыӵаз

- Пичи дырысь малпанме улонам пыӵатӥ. Али кадь тодӥсько, вить аресам матысь эшеным Людаен дышетӥсь луыса шудэммес, - вера Дилара Гиниятовна, – кыкнамы но дышетӥсь луим – Людмила Шарафисламовна Салихово гуртысь школаын дышетэ.

Дилара Гиниятовна дышетӥсь луыса ужаны тодон-валан басьтэм Нефтекамскысь педучилищеын (та дыре со педколледж). Собере Бирскысь социально-педагогической академиын дышетскем: диплом басьтэмез бере покчи классъёсты дышетӥсь луэм. 

- Ужатозям пӧртэм воштӥськонъёс луизы. Нылпиос арысь аре кулэсмемен, Максимысь школа ворсаськиз. Озьы уж сюресэ Сандугаче вуттӥз, – вера Д. Мингазиева.

Али со биологиен урокъёсты нуэ, классэн кивалтэ, директорлэн воштӥсез луэ. Дышетӥсь Максим школаын ужам аръёссэ шунытэн тодаз вае. Урокъёс нуон сяна, соку Дилара Гиниятовна директорлэн визьноданъя воштӥсез вылэм. «Урокъёс бырем бере доре ӧм дыртэлэ. Нылпиосын пӧртэм ужрадъёсы, конкурсъёсы пыриськыны дасяськылӥм. Дышетскисьёсын фольклор ансамбль но кыдытэммы вал. Соку ёросын ортчись ужрадъёсы ӵем вуылӥм», – тодаз вае дышетӥсь.

(Быдэсак лыдӟе газетысь).