Ульчаосысь сюресъёсты тупатон борды кутскизы

 Кылем арын, кылсярысь, татын водонапорной башняез усьтон ужрад ортчиз. Со гурт калыклэн тыршеменыз но кунмылэн юрттэтэныз лэсьтэмын вал. Ӵапак соку ик гуртын улӥсьёс выль малпанзэс шараязы: вуоно арын та программая урамъёссэс, пе, тупатозы. Озьы соос ӝоген гурт поселенилэн кивалтэтэныз ӵош «Ремонт дорожного полотна по улицам Клубная и Центральная в деревне Старый Кызыл-Яр, Татышлинский район, Республика Башкортостан» проект борды басьтӥськизы. Нош та нуналъёсы сое улонэ пыӵатон борды кутскизы ни.