+23 °С
Ясно
Общество
20 Июля , 11:41
Нылпиос шахматэн, шашкиен шудӥзы
Балтач ёросысь Асавкаын Шахматлэн калыккуспо нуналаз «Шах и Мат» шудон ортчиз. Сое гуртысь библиотекаын но клубын ужасьёс радъязы.
Нылпиос шахматэн, шашкиен шудӥзы
Ужрадын нырысь библиотекаен кивалтӥсь Г. Миннигалиева нылпиосты шахмат шудонлэн кылдэм сюресэныз тодматӥз. Отысь пиналъёс ку дунне чемпионат ортчиз, отын вормисьёс сярысь тодӥзы. Собере клубысь культорганизатор Л. Пукрокова тодмо шахматистъёс сярысь вераз. Нылпиос «Найти фигуру», «Волшебный мешочек» шудонъёсын шудӥзы, шахматэн герӟаськем мадиськонъёслы валэктонъёс сётъязы, шашкиен шудӥзы. Ужрад шахмат турнирен йылпумъяськиз.
