Кышкытлыкъёслэсь утиськон понна

Республикаын кампанилэн региональной этапез кылем арняын кутскиз. «Башкортостанлэн кампание пыриськись регионъёс пӧлы шедемез юнме шорысь ӧвӧл - регионын ДТП-ос трос луо. Сюрес вылысь вайвожъёсын кышкыт учыръёс трос пумисько. Соин та югдур бордын пыр-поч ужано. Оскисько, кампанилэн радъяськемез ДТП-осын герӟаськем лыдпусъёсты кулэсмытоз. Угось кампания улсын ортчись ужрадъёс нылпиос понна но, бадӟымъёслы но чакламын: пичи пешеходъёслы, трос аръёс ӵоже руль сьӧрын ветлӥсь водительёслы. Огъя кужымен гинэ сюрес вылын кышкытлыкъёслэсь утиськыны быгатом», - вераз пресс-конференциын республикаысь валтӥсь кун автоинспектор Владимир Севастьянов.