Калык костюмъёсын тодматскон программа тунсыко ортчиз

Удмурт калык костюмъёсын тодматскон программа библиотекаысь музей сэрегын радъяськиз. Ужрадэ вуэм нылпиос калык костюмъёслэн историенызы, соослэн азинскеменызы тодматскизы. Дӥськутъёс сям-йылолъёсын юн герӟаськемын ке но,  пӧртэм аръёсы соос но вошъяськизы. Со сяна, «От истории костюма до истории народа» программае пыриськись нылъёс удмурт кышномуртлэсь дэремзэ но чеберъяськонъёссэ асьсэ вылазы оскалтӥзы.

Ужрад яркыт но тодэ вайымон ортчиз. Та нуналэ нылпиос удмурт калыклэн костюмъёсыныз гинэ ӧвӧл, вашкала дырысен туннэ нуналозь азинскем сюресэныз тодматскизы.

Фото: Шудекский СДК