Анайёсты медален пусйизы

Ужрадэ пыриськисьёсты ӟечкыласа вераськиз ёрос администрациен кивалтӥсь Денис Султанов. «Семья – со юн пыкет, нош яратон но чынлык  семьяе шуд, шумпотон ватсало, секытлыкъёсты вормыны юртто. Котькуд семья – со нимысьтыз история. Эшлыко, адӟем карымон семьяосын дано асьмелэн ёросымы»,  – вераз Денис Айратович. Ужрадын витьтон ар ӵош улэм кузпалъёсты ӟечкылазы, Улысь Балтачысь вить нылпиен анайёсты Алина Шагиеваез (туспуктэм вылын бурысез) но Нурсиля Муллаяроваез (туспуктэм вылын паллянысез) «Материнская слава» медален данъязы.

Фото: Администрация Татышлинского района