Ужрад праздниклы пӧрмиз

2022-тӥ арысен Семьялэн, яратонлэн но чынлыклэн нуналэз кун праздникен лыдъяське. Календарьын та нунал гордэн пусъемын ӧвӧл ке но, калык пӧлын со паськыт вӧлмемын.

Тужгес но шуныт но сюлэмлы матысь луись праздникез Калтасы ёросысь Бадӟым Качакысь культура юртын шулдыр пусйизы. Татын «Моя семья – моё богатство» ужрад гуртысь нылпиосты огинэ люказ. Культура юртэн кивалтӥсь А.А. Набиева соослы зэмос праздник ортчытӥз. Озьы пиналъёс праздниклэн историеныз тодматскизы, ромашкаослэсь тугоко керттӥзы, тунсыко конкурсъёсын но шудонъёсын асьсэлэсь визьзэс, сэзьлыксэс, ӝоглыксэс но мукет быгатонлыкъёссэс возьматӥзы.