Велопробег зэмос праздниклы пӧрмиз

Нылпиослэсь нуналзэс пайдаен ортчытон вылысь гуртысьтызы культорганизатор Л.В. Атнафикова тыршиз. Ужрадэз со нылпиослэсь тазалыксэс кыдатон но спортлы яратон мылкыд пыӵатон малпанэн радъяз. Озьы велопробеге пыриськисьёс сюрессэс «Чистый путь без наркотиков», «Мы выбираем ЖИЗНЬ» лозунгъёсын ортчизы.

Со сяна, Лилия Атнафикова пиналъёслы сюрес вылын велосипедэн шонер ворттылон сярысь вераз. Угось ПДД-лэсь куронлыкъёссэ  тодытэк секыт югдуре шудьыны кема ӧвӧл. Нылпиос сюрес вылысь знакъёсты тодазы ваизы но соосты тодыса но валаса уже кутыны кыл сётӥзы.

Озьы Мамады гуртысь нылпиослэн велопробегзы  тазалыксылы но пайдаё луиз, эшъяськон кусыпъёссэс но юнматӥз.  

Фото: Мамадинский сельский клуб Бураевского района