Сюрес вылын кышкытлыкъёс медаз луэ

ГАИ-лэнТатышлы ёросысь ёзэтысьтыз административной законодательстволэсь быдэстӥськемзэ эскеронъя инспекторлэн, полициысь старший лейтенантлэн Чулпан Яхиналэн кылъёсызъя, туэ куать толэзь куспын Татышлы ёросын 97 ДТП луэм. Отын вить адями бырыны шедем, куатез юн сӧсырмиллям.

- Сюрес вылын луэм кышкыт учыръёслэн мугзы - со ПДД-ез тӥямзы: руль сьӧрын ӝог ворттылон, встречкае потон, юыса руль сьӧры пуксён, пешеходъёслэн светоотражательёссы ӧвӧл, ременьёстэк ветлон, – вера Ч. Яхина. – Самокатэн, велосипедэн ветлыкузы но тросэз куронъёсты тӥяло. Берло дыре нылпиосын ДТП-ослэн лыдзы йылэ. Жаляса верано, мотоциклэн, мопедэн ветлӥсьёс ПДД-ез тӥяло. Мототехникаен ветлон понна «А» категориен водительской удостоврение луыны кулэ. Школаосын пумиськонъёс радъяку, ми со сярысь нылпиослы вераськом, правилоосты валэктӥськом. Озьы ке но мототехникаен сэрен шудтэм учыръёс уг быро.

Фото:  Ксения Калинина | ИА «Башинформ»