Удмурт гуртъёс асьсэлэн чеберлыкенызы но чылкытлыкенызы паймыто

Та удмурт гуртъёсын улӥсьёс но асьсэлэн ужез гажаменызы висъясько. Вазь тулысысен бер сӥзьылозь но гурт поселениын субботникъёс дугдыса уг уло. Соин, лэся, татысь жуг-жаг турынэн будэм ульчаосты уд адӟы.

Та нуналъёсы Вуж Вараш гуртысь культура удысын тыршисьёс «Югдон» ошмес котырзэс утялтыны люкаськизы. Кема аръёс ӵоже гурт калыкез юзмыт вуэныз шумпоттӥсь ошмес вакчи дыр куспын жуг-жаг турынъёслэсь мозмытскиз. Жильыртӥсь ву дурын нош ик чебер но чылкыт луиз.

Фото: МАУК МКДЦ Староваряшский сельский Дом Культуры