Удмурт фольклор ансамбльёс фестивале пыриськозы

 Отчы пӧртэм регионъёсысь кырӟасьёс но эктӥсьёс вуозы. Ужрадэз дасясьёслэн кылъёссыя, калыкез Пермь шаерысь, Татарстанысь, Свердловск, Киров улосвылъёсысь но мукет интыосысь удмурт коллективъёс шулдыртозы. «Чакара» фестивалез Камсьӧрысь удмуртъёслэн огазеяськонзы радъя. Туэ солы Пермьысь калык творчествоя юрт, Куеда муниципал округ, интыысь удмуртъёслэн огазеяськонзы юртто. Фестиваль улсын егитъёслэн форумзы радъяськоз, пичиослэн фольклор коллективъёссы но калыклэсь лулчеберетсэ утьыны быгатэмзэс возьматозы.

Туспуктэм редакцилэн архивысьтыз.