Шулдыр но яркыт ортчиз гуртлэн нуналэз

Пермь шаерысь Удмурт Шагиртын улӥсь калык гуртэзлэсь нуналзэ шулдыр но яркыт пусйиз. «Люблю тебя, деревенька моя!» ужрадэ гуртоос гинэ ӧвӧл, палэнын улӥсьёс но люкаськизы.

Та нуналэ сцена вылысен волонтёръёсты, арлыдоосты, 50 арлэсь кема огӵошен улэм кузпалъёсты но егит семьяосты данъязы. Угось соосын герӟаськемын гуртлэн ортчем сюресэз, соос бордын возиське гуртлэн азинсконэз.

Ужрад шулдыр кырӟан-эктонъёстэк но шудонъёстэк ӧз ортчы. Ӵукнаысен ӝытозь татын чузъяськизы сюлэме пыӵась удмурт гуръёс. Нош мылкыд карисьёс асьсэлэсь быгатэмлыкъёссэс пӧртэм конкурсъёсын ээскеризы. Гуртлэн праздникез татчы вуэм калыклы шуныт пумиськонъёсын но шулдыр кырӟан-эктонъёсын тодаз кылёз.

Фото: Старошагиртский дом культуры