Удмурт калык Инмарлы вазиськиз

Инмарлы тау карон но ӟечсэ курон ужрадэ удмурт калык чылкыт малпанъёсын вуиз. Угось вӧсь вакытэ быдэс улос мукет дуннее выже. Вашкала дырысен туннэ нуналозь но возиськись сям-йылол, адямиосты улонысьтызы ӟечсэ но уродзэ малпаса,  йылпумъянъёс лэсьтыны куре.  

Бадӟым Качак гурт поселениысь удмурт калык вӧсез сӥлы каре. Арлы быдэ вӧсе кин ке но дун юатэк ыжпизэ сётэ. Туэ но ӟеч уж лэсьтыны мылкыд карисьёс ӧжыт ӧз луэ. Кинлэн ке нылпиез семья кылдытӥз,  мукетэзлэн пиез вордскем шаерез утьыны кошкиз – анай сюлэм вордэм пиналэзлы тазалык но шудо улон сюрес курыса Инмарлы озьы йыбыртӥз.

Удмурт калыклы туннэ удалтӥз: Инмарлы вань куронъёссэ вераны куазь эрик сётӥз. Одӥг малпанэн огинэ люкаськем калыклэн ӟеч куронъёсыз кабыл мед луозы. Азьпалан дунне вылын эрико но шудо улон мед возьмалоз.