Ӵошен ужаны но капчи, шулдыръяськыны но умой

Та нуналэ Бадӟым Туганеевоын ӵукнаысен ӝытозь удмурт гуръёс чузъяськизы. Котыр улос шулдыр но капчи мылкыдэн пыӵамын вал. Нош кышномуртъёслэн шунды шорын ворекъясь удмурт калык дӥськутъёссы ужрадлы яркыт тус сётӥзы. Празднике пыриськисьёс «Лапти», «Лодига»  шудонъёсты но тодазы ваизы. Озьы ик  мылкыд карисьёс калык эктонъёсты быдэстонъя конкурсэ пыриськыса асьсэлэсь быгатэмзэс возьматӥзы.

Гужемлэн одӥгез нуналэз Бадӟым Туганеевоын улӥсьёслэн сюлэмазы тужгес шуныт но шулдыр тодэ ваёнэн пыӵалоз. Угось улонын ӵошен ужаны но капчи, шулдыръяськыны но умой.

Фото: Большетуганеевский сельский клуб