Нылпиос гужем каникул нуналъёслы шумпото

Янаул ёросысь Андреевка но гужем нылпи куараосын тырме. Гуртысь пиналъёсын ӵош песяй-песятайёссы доры шутэтскыны бертэм нылпиос татын шудо дунне кылдыто. Клубын ужасьёс соослэсь каникул нуналъёссэс пайдаен ортчытыны тыршо. Кылсярысь, та нуналъёсы Андреевкаын «Здравствуй, лето!» шудон программа радъяськиз. Культура удысын тыршисьёслэн ужрадзы нылпи сабантуйлы пӧрмиз. Шулдыресь конкурсъёс но ческыт кузьымъёс нылпиослэсь нуналзэс яркыт но шудо-буро каризы.

Фото: Андреевский СК