+28 °С
Облачно
Общество
20 Июня , 18:49
Концерт программа яркыт но шулдыр пӧрмиз
Россиысь калыкъёслэн огъя луон арзы улсын Пермь шаерысь Вуж Шагиртысь культура юртын «С любовью к людям и земле» концерт программа радъяськиз.
Концерт программа яркыт но шулдыр пӧрмиз
Куеда ёрослы 100 ар тырмон лыдпуслы сизем ужрадэ трос крезьгур коллективъёс пыриськизы. Озьы люкаськем калыклы «Рябинушка», «Девчата», «Капчи мылкыд» ансамбльёс шулдыр мылкыд кузьмазы. Маргарита Сабуровалэн но пичи кизилилэн Алексей Ушаковлэн кырӟанъёссы учкисьёслэсь сюлэмъёссэс вырӟытӥзы. Нош Клавдия Кайдаровалэсь вордскем шаерлы сӥзем кылбурез лыдӟемзэ зал шокатэк кылзӥськиз, лэся.
Со сяна, концерт программае Елово ёросысь «Ёлочки-Иголочки» гармонистъёслэн ансамбльзы пыриськиз. Куноос шулдыр такмакъёсынызы ужрадез яркытгес но шулдыргес каризы.
Концерт программаез ортчытыны «Перспектива» ООО-лэн кивалтӥсез Т.И. Глухова коньдонэн юрттэт возьматӥз.
Фото: Старошагиртский дом культуры
