Башкортостанысь делегация Гербере вуылӥз

Туннэ Удмурт Элькунысь Глазов ёросын Гербер шулдыръяськон ортчиз. Отчы Россилэн пӧртэм регионъёсысьтыз делегациос пыриськизы. Гербере арлы быдэ шумпотыса вуыло республикаысьтымы удмуртъёс но.

Татын соос тодмоосынызы пумисько, Гербер улсын ортчись пӧртэм конкурсъёсы пырисько, кырӟало но экто. Туэ Герберын котькуд делегациысь фольклор коллектив «Тангыра, тангыра, куарадэ будэты» площадкаын учкисьёсты асьсэлэн калык кырӟанъёсынызы шулдыртӥз. Татын камсьӧр удмуртъёслэсь кырӟанзэс быдэстӥзы Башкортостанысь удмуртъёслэн лулчеберетъя центразы ужасьёс Елена но Юрий Нуриахметовъёс, Ксения Милиятова но Кристина Якупова. Нош «Батыр кужым» площадкаын Татышлы ёросысь Вязовкаысь Руслан Рахматуллинлы вуисьёс ӧз луэ. Со 21 кужмо батыръёс пӧлын нырысетӥ интыын луиз.

Удмурт батыр сярысь газетмылэн вуоно номеръёсысьтыз лыдӟыны быгатоды.

Автор:Оля Нигаматуллина

Читайте нас

Партнеры