Удмуртъёслэн лулчеберетъя центразы проект гожтыны дышетӥзы

Сое республикаысьтымы удмуртъёслэн национально-культурной центренызы ӵош «Все свои» ресурсной центр радъяз. Семинаре котькуд мылкыд карись пыриськыны быгатӥз. Отчы вуизы Татышлы но Янаул ёросъёсысь гурт поселениосын кивалтӥсьёс, культура удысын тыршисьёс, дышетӥсьёс. Семинарез «Все свои» ресурсной центрен кивалтӥсь Гузель Ахматдинова но солэн юрттӥсез Альбина Сюндюкова нуизы. «Проект бордын ужан сярысь ваньзэ пыр-поч валэктӥзы», - вера Выль Татышлыысь библиотекарь Е. Нуриахметова. Нош удмуртъёслэн национально-культурной центрзы аспӧртэм челлендж ялӥз. Отчы пыриськон понна мерлыко огазеяськонлэн вк вотэс бамысьтыз постэз улэ проект гожтон пумысен тунсыко малпанъёсты  гожтоно. Семинарез радъясьёс соос пӧлысь тужгес устооссэ быръёзы но малпанъёсты йылаз-пумаз вуттыны юрттозы.